Kosova sonte luajti ndeshjen e radhës miqësore për muajin qershor ndaj Komoreve, të cilën e fitoi me rezultat 4-2.

Një hattrick nga Albion Rrahmani dhe një gol tjetër nga Fisnik Asllani i dhuruan fitoren Kosovës, shkruan Arbresh.info.

Gjithashtu, Kosova si në cdo ndeshje tjetër e pati edhe lojtarin e 12-të sonte, “Dardanët’.

Pas ndeshje tifogrupi i Kosovës, përmes një postimi në rrjetin social Facebook, shkroi për fitoren e Kosovës, ku nuk munguan “kunjat”, për FSHF-në e cila ndeshjen e fundit kishte vendosur të mos lejojë asnjë flamur të UÇK-së  në stadium, në sfidën me Serbinë.

“Numërojmë gola dhe fitore. Dardania, krenaria shqiptare, ballëlartë e triumfuese, përherë dhe përjetë. Këtu qëndron për të mos u larguar edhe flamuri më i shenjtë, ai i UÇK-së”, shkruhet në reagimin e “Dardanëve”.

Kosova ndeshjen e radhës e luan ndaj Zvicrës në shtator, sfidë kjo e vlefshme për kualifikim në Kampionatin Botëror./Arbresh.info